Shpesh kur ka rënë borë, kemi pasur dilemë se si të pastrojmë dhe ta largojmë borën nga oborret ose shkallët tona.
I tillë është edhe ky rast në SHBA, më saktë në Pensilvani, ku stuhi të shumta bore kanë përfshirë vendin.
Por ky burrë amerikan duket se ka ardhur me një ide briliante se si ta largojë borën nga shkallët e tij, shkruan Telegrafi.
Siç duket edhe në video, ai ka vendosur një qese të madhe plastike në shkallë, të cilën e tërheq pasi bora është grumbulluar mbi të, dhe e tërë bora hiqet nga shkallët.
Është gruaja e tij ajo që e ka shpërndarë videon në rrjetet sociale, të cilën ajo e ka titulluar: “Burri im kishte një ide gjeniale për të na mbajtur larg nga akulli…”.
“Burri im zgjodhi të punojë më mençur, jo më vështirë, të shohim se a funksionon ideja e tij apo jo”, shkruhej brenda videos.
Në fund, pasi ideja e tij funksionon, gruaja e tij shkruan: “Kjo është e mrekullueshme, Burri 1, Bora 0”. /Telegrafi/