Parlamenti i Studentëve do të protestojë nesër para Rektoratit të UP-së.
Përmes një njoftimi, thonë se do t’i shprehin kërkesat për përmirësimin e kushteve për studentët dhe të kenë lirinë për t’i përfaqësuar interesat e përgjithshme të studentëve.
“Ne dënojmë çdo ndërhyrje dhe shantazh që po bëhet përmes disa individëve. Do t’ju bëjmë thirrje të gjithë atyre që mendojnë ta destabilizojnë Parlamentin Studentor, sepse jemi të vendosur ta mbrojmë universitetin tonë kurdo që është e nevojshme dhe çdo herë duke i mbrojtur interesat e studentëve të UP-së”, thuhet në njoftimin e Parlamentit të Studentëve.
Ndërkaq, Rektori i Universitetit të Prishtinës, Prishtinës “Hasan Prishtina”, Marjan Dema muaj më parë ka ftuar studentët e UP-së që ta pinë kafen e mëngjesit me të, duke i “zgjidhur” kështu problemet e studentëve.
Sipas njoftimit të UP-së, takimet e tilla me studentë të Universitet të Prishtinës do të janë të përmuajshme.
“Takimet e studentëve me rektorin, nga tani e tutje, do të jenë takime të përmuajshme, gjatë të cilave do të diskutohet për tema të ndryshme që prekin cilësinë e jetës studentore në UP”.
Gjithashtu takimet e thirrura nga rektori Dema organizohen me qëllim që menaxhmenti të jetë sa më i informuar me sfidat e studentëve në përditshmërinë e tyre gjatë studimeve në UP./Telegrafi.