Studentët e Universitetit “Haxhi Zeka” në Pejë, sot do të protestojnë kundër rekomandimit te eksperteve të jashtëm për mos akreditimin institucional të këtij universiteti.
Sipas reagimit të Parlamentit Studentor, thuhet se është i papranueshëm vlerësimi i të ashtuquajturave ekspertë të jashtë, konkretisht për ata rumunë, i cili shtet nuk e ka njohur Republikën e Kosovës.
“Vlerësimi i të ashtuquajturve ekspertë të jashtëm që për koincidence rezultojnë të jenë rumunë, shtetas të shtetit i cili nuk e ka njohur Republikën e Kosovës si shtet dhe janë kundër çdo arritje të vendit tonë, është i papranueshëm dhe si i tillë do të kundërshtohet ashpër nga studentët e Universitetit ‘Haxhi Zeka’”, thuhet në reagimin e Parlamentit Studentor.
Përmes reagimit ata besojnë fuqishëm në punën e menaxhmentit të Universitet të Pejës dhe kanë paralajmëruar se nuk do të lejojnë që një vlerësim i tillë të marrë formë të vendimit të prerë.
“I bëjmë thirrje Qeverisë se Republikës se Kosovës, përkatësisht MASHT-it, që të marrë masat e nevojshme qe të kundërshtohet ky vlerësim, para se të marrë formën e prerë”, vijon reagimi.
Parlamenti Studentor ka thënë se do të qëndrojnë afër çdo veprimi qe e inicion menaxhmenti i UHZ-së, rektori apo Sekretari i Përgjithshëm. /Telegrafi/