Reperi i njohur Arkimed Lushaj- Stresi, ka publikuar së fundmi projektin e tij më të ri muzikor “GTA”.
Ai në një intervistë të dhënë për Telegrafin, kishte treguar se këtë projekt, e ka realizuar duke u frymëzuar nga loja e famshme që ka luajtur në fëmijëri.
“Normalisht që aty jam frymëzuar, e kam luajtur vet atë lojë kur isha shumë i ri dhe pse jo të bëjë një këngë me këtë titull. Një këngë të cilën besoj publiku e ka mirëpritur”, kishe thënë Stresi për Telegrafin.
Stresi është shumë aktiv edhe në rrjetet sociale, në të cilat shpesh ndan em fansat imazhe të ndryshme nga jeta e tij.
Së fundmi, ai ka publikuar një fotografi mjaft të veçantë, ku shfaqet duke i dhuruar një puthje të fejuarës së tij.
Në mbishkrimin e fotografisë, reperi bëhet romantik, duke potencuar vlerat e vërteta të familjes.
“Familja, gjëja më e çmuar që ka fal Zoti”, ka shkruar Stresi në mbishkrimin e fotografisë. /Telegrafi/