Reperi i njohur shqiptar, Arkimed Lushaj – Stresi, ka njoftuar fansat e tij se tashmë ka ndërruar vendbanim.
I lindur e rritur në Tiranë, reperi ka treguar gjithnjë në intervista se ishte krenari për të që përfaqësonte gjithmonë në skenë një djalë tipik tiranas.
Mirëpo siç duket me kalimin e viteve, Stresi ka ndryshuar mendim dhe tani ka përzgjedhur një tjetër qytet shqiptar për të jetuar.
Bëhet fjalë për kryeqytetin kosovar, Prishtinën, që tashmë do të jetë vendbanimi i ri i reperit.
Këtë gjë ai e ka bërë të ditur përmes një postimi në rrjetin social Instagram, ku ka sqaruar arsyen që çuan deri në marrje ne këtij vendimi.
“Ja dhe një ditë e ikur, histori, aventura të jetuara! Kjo është jeta, por prapëseprapë vjen një moment në jetën e gjithsecilit që kërkon ndryshim. Ndonjëherë thjeshtë ikën! Mund të jetë një vend, person, biznes etj! Shokët e vërtetë mbeten të njëjtë dhe pse mund të kesh vite, muaj e ditë pa i parë! Ata janë në zemër, në ditë të bukura si dhe ato të vështira! Prej sot jam zyrtarisht Banori më i ri i Prishtinës. S’keni dëgjuar akoma çfarë keni dëgjuar në ditët në vijim”, ka shkruar ndër të tjerash Stresi në njoftimin e tij.
Ndërkohë, ish-e fejuara e tij, Keisi, gjithashtu bëri të ditur ditë më parë se jetën e saj në të ardhmen, e sheh në Kanada dhe jo Shqipëri. /Telegrafi/
