Reperi i njohur Stresi dhe One T kanë publikuar dje (e premte) projektin e tyre më të ri muzikor, këngën dhe klipin “Shokun se lo”.
Kënga është ritmike hip-hop dhe flet për shoqërinë, gjersa është punuar me muzikë Enes Qosa, dhe tekst të shkruar nga vet reperët.
Duket se kënga e re është pritur mirë nga publiku, pasi në vetëm pak orë ka arritur të grumbullojë mbi 200 mijë klikime në kanalin YouTube.
I lumtur për këtë fakt, reperi Stresi ka publikuar një fotografi në rrjetin social Instagram, ku shkruan “+200k brenda 17 ore, faleminderit të gjithëve”.
Ndonëse artistët nga estrada shqiptare arrijnë të marrin shumë klikime me projektet e tyre, ende nuk ka ndonjë lloj filtri nga kompanitë menaxhuese, të cilat mund të mbrojnë klikimet e klientëve të tyre, duke faktuar që janë të vërteta. /Telegrafi/
