Portieri i kombëtares shqiptare, Thomas Strakosha, ishte një prej heronjve të Shqipërisë ndaj Izraelit.
Portieri kombëtar ndali rast të sigurtë në duelin ndaj Izraelit, duke mohuar golin e Zahavit.
Mbi të gjitha, ai u kujdes që të mos shkakonte penalti në një rast tejet të kontestueshëm.
“Kam akoma shumë për të kaluar babain. Jam i lumtur për skuadrën. bëmë mirë deri në minutën e 80 më pas u ndje lodhja. I treguam vlerat, pas disa ndeshjeve që nuk kishim bërë mirë. Nuk shoh ritmin, por e shoh në mënyrë kolektive”
“Vrapuam shumë dhe luftuam shumë ndaj arritëm të fitonim. Ishim të përqendruar dhe kur gabonte njëri rikuperonte tjetri.Rasti më i rrezikshëm? Në fillim mendova se mund të shkaktoja 11-metërsh, por shyqyr që godita topin”.
”Gabimet ndodhin në ndeshje, nuk ndahen gabimet, ashtu si nuk ndahen meritat. Jemi një skuadër, nuk ka rëndësi kush gabon. Për fat, kur Zahavi doli i vetëm dhe më shmangu, nuk gjuajti direkt dhe pata kohë të rikuperoja, duke i hequr topin, edhe pse rrezikova pak, sepse mund të shkaktoja penallti”, u shpreh Strakosha për Supersport.
Shqipëria kryeson Grupin 1 të Ligës C me tri pikë. Ndeshja e radhës është ndaj Skocisë. /Telegrafi/