Suedia u bë zyrtarisht anëtarja më e re e aleancës më të fuqishme ushtarake në botë, NATO-s.
Sekretari i Përgjithshëm i NATO-s, Jens Stoltenberg e vlerësoi vendimin si “historik”.
“Anëtarësimi i Suedisë e bën NATO-n më të fortë, Suedinë dhe të gjithë Aleancën më të sigurt. Mezi pres të ngrejë flamurin e tyre në selinë e NATO-s të hënën”, shkroi ai në platformën X.
It’s official – #Sweden is now the 32nd member of #NATO, taking its rightful place at our table. Sweden’s accession makes NATO stronger, Sweden safer, and the whole Alliance more secure. I look forward to raising their flag at NATO HQ on Monday.
— Jens Stoltenberg (@jensstoltenberg) March 7, 2024
Ndryshe, një ceremoni e ngritjes së flamurit është planifikuar në selinë e aleancës në Bruksel të hënën për të shënuar ceremonialisht pranimin.
Kujtojmë se fqinja e Suedisë, Finlanda iu bashkua aleancës më 4 prill. Me dy vendet nordike në aleancë, NATO kontrollon pothuajse të gjithë Detin Baltik – një goditje strategjike për Rusinë.
Suedia ka gjithashtu një ushtri të pajisur mirë dhe një industri të fortë armësh.
Vendi synon të shpenzojë 2.1 për qind të GJDP-së për mbrojtjen këtë vit, mbi objektivin e NATO-s dhe pothuajse dyfishin e asaj që shpenzonte deri në vitin 2020. /Telegrafi/