Një stjuardesë ka zbuluar përmes një videoje se cila pjesë në aeroplan është më e pisët se tualetet, pasi nuk ‘pastrohet kurrë’.
Brenda Orelus, nga Miami e cila në internet njihet si Flight Bae B, tha se xhepat e pasme të ulëseve janë të mbushura me ‘mikrobe’ dhe nuk kanë mirëmbajtje ose pastrim të rregullt ndryshe nga tualetet, transmeton Telegrafi.
Stjuardesa paralajmëroi 98 mijë ndjekësit e saj në TikTok për faktin alarmues në një video dhe tha se ajo kishte parë pasagjerë që kanë vendosur një mori gjërash në ato xhepa, nga ushqimi deri tek faculetat e përdorura madje edhe pelenat e pista.
“A e dini se xhepat e pasme të sediljeve janë sipërfaqja më e ndotur në aeroplan? Janë më të ndotura se tualetet, janë më të pista se jastëkët e sediljeve”, tha Brenda.
“Kjo pasi nuk pastrohen kurrë. Vetëm nëse dikush vjell. Ato pastrohen vetëm sipërfaqësisht, kur dikush merr mbeturinat nga aty”. /Telegrafi/