Pas shumë pikëpyetjeve nëse Stine do të kërcente natën e sotme në “Dance With Me”, vjen edhe një reagim i produksionit, i cili ka vendosur që të mbështesë më tej këngëtarin.
Nga produksioni i DWM, raportohet për revistën “Class” se Stine do të jetë sonte në spektakël dhe do të kërcejë si çdo javë tjetër me partneren e tij, Rozën, madje edhe do të shpjegojë publikisht ngjarjen e ndodhur mes tij dhe Flor Mumajesit, pas natës finale të “Këngës Magjike”.
Burime pranë produksionit konfirmojnë pjesëmarrjen e tij në garë si çdo javë tjetër, angazhimin maksimal dhe “luftën” deri në finale për të fituar çmimin e madh.
Kujtojmë se Stine dhe Flori Mumajesi janë fjalosur pas festivalit të Këngës Magjike, e cila përfundoi me rrahjen e kantautorit, Mumajesi.