Princi Harry dhe ish-aktorja, Meghan Markle kanë kurorëzuar dashurinë e tyre me martesë sot (e shtunë) në kështjellën Wisdor.
George dhe Amal Clooney dhe David dhe Victoria Beckham ishin në mesin e të famshmëve të listës A, të cilët e kthyen dasmën e princit Harry dhe Meghan Markle në një ngjarje të Hollywoodit këtë pasdite.
Elton John i pajisur me një palë syze rozë mori gjithë vëmendjen e të pranishmëve në Chapel të Shën Gjergjit, pasi u pa teksa shoqërohej me David dhe Victoria Beckhamin dhe këngëtarin James Blunt.
Yjet e filmit Idris Elba dhe Tom Hardy, si dhe prezantuesja e njohur amerikane Oprah Winfrey, ishin gjithashtu midis të famshëmve që morën pjesë në ceremoninë në Chapel të Shën Gjergjit këtë mëngjes.
Elba është një ish-përfitues i Trustit të Princit, pasi atij i ishte dhënë një grant nga mbretëria për bamirësi, nga ku do të fitonte mundësinë për të ndjekur ëndrrën e tij drejt aktrimit.
Pas mbërritjes së çifteve Beckham dhe Clooney, aktorja Carey Mulligan dhe prezantuesi James Corden u panë teksa paraqiteshin në kishë gjithashtu.
Ylli i tenisit, Serena Williams ishte gjithashtu e pranishme, si një mike e ngushtë e Meghanit.
Pas ceremonisë, të famshmit u grumbulluan nga kisha ndërsa turmat jashtë kishës brohorisnin, gjatë kohës sa yjet parakalonin.
Amal Clooney ishte shumë e buzëqeshur ndërsa po ecte. Ajo kishte veshur një fustan të gjatë dhe të verdhë me një kapelë të përputhshme, teksa shoqërohej nga bashkëshorti i saj, ylli i Hollywoodit, George Clooney.
Ndërkohë, vëmendje të madhe mori edhe Victoria Beckham, e cila ishte veshur në një kostum blu, teksa shoqërohej nga bashkëshorti i saj, futbollisti i njohur, David Beckham.
Këngëtari James Blunt dhe bashkëshortja Sofje Wellesley ishin gjithashtu midis të ftuarve më të hershëm për ditën e madhe.
Ylli i ragbit, James Haskell dhe e dashura e tij Chloe Madeley po ashtu nuk munguan në dasmën madhështore.
Në vazhdim mund të ndiqni përmes fotografive dukjen e yjeve të famshëm që morën pjesë në dasmën mbretërore të princit Harry dhe Meghan Markle. /Telegrafi/
David dhe Victoria Beckham
George dhe Amal Clooney
Elton John
Serena Williams
Idris Elba
Oprah Winfrey
James Haskell
James Blunt
