Vëllezërit korçarë, Stefi dhe Endri Prifti, të ftuar në emisionin Pushime on Top, kanë treguar për projektet e reja muzikore të tyre.
Ata kanë bashkëpunuar me shumë këngëtarë të tjerë deri më tani, ndërsa kanë bërë të ditur se bashkëpunim i radhës do të jetë me Eli Farën.
Të pyetur nëse do të bashkëpunonin me Encën apo Kidën, Endri dhe Stefi thanë: “Ne i duam dhe i respektojmë të gjithë për aq sa meritojnë. Por, këngën e re do ta realizojmë me mikeshën tonë të dashur, Eli Fara”.
Në këtë emision, Stefi Prifti për herë të parë ka prezantuar në publik familjen e tij. Këngëtari bashkë me dy vajzat dhe dhëndrin rrëfyen ditët e bukura që po kalojnë në jug të Shqipërisë, transmeton TCH.
Vajzat kanë treguar se përpiqen që të ndjekin më shumë koncertet që zhvillon Stefi në qytetet më të bukura të Shqipërisë. Stefi ka prezantuar për herë të parë në publik edhe dhëndrin e familjes, të dashurin e vajzës së tij Marias, artistin Gëzim Meta.
Këngëtari Endri Prifti duket se kompenson nën çadër orët e vona të punës nëpër lokalet e natës.
Pushime on Top e ka gjetur Endrin duke fjetur në plazhin e Dhërmiut. Endri është zgjuar me shqetësimin se përse lokalet e mbyllin muzikën në orën 00:30, duke thënë me shaka se nëse vazhdohet kështu, jugu do të bëhet plazh me pensionistë.