Udhëtarja e dehur që po udhëtonte nga Moska e Rusisë për në Antalia të Turqisë, është lidhur nga stafi i aeroplanit, pasi shkaktoi shumë tollovi në bord.
Raportohet se ajo kishte pirë shumë pije alkoolike në aeroport, ndërsa gjatë fluturimit ka nisur të shante dhe të sulmonte të pranishmit, transmeton Telegrafi.
Për këtë arsye e larguan në një hapësirë pranë tualeteve, ku e mbajtën të lidhur. Në të njëjtën kohë, ajo ishte vetëm në reqipeta, ndërsa besohet se është zhveshur vet.
“Me kanë lidhur duart, po ju lus të më lironi. Mos i shikoni ata, sepse janë gënjeshtarë, shikoni gjakun tim. Ja ku e kam edhe gjoksin”, ka thënë ajo mes tjerash, në videon që tashmë është larguar nga interneti.
Pas aterrimit, autoritetet e sigurisë në Turqi, e lanë të lirë që të shkonte në hotelin e rezervuar, pa i kryer asnjë procedurë. /Telegrafi/