Mediat greke shkruan gjatë kësaj jave se kryeministri i Shqipërisë, Edi Rama, ka zgjedhur Greqinë për të kaluar pushimet së bashku me bashkëshorten e tij, Linda Rama.
Disa portale greke kanë dhanë lajmin se çifti Rama ndodhet në Parga që prej 15 korrikut. Sipas gazetarëve, pronarët e hoteleve nuk e kanë konfirmuar dhe as mohuar informacionin.
Ndërkohë, këtyre lajmeve ua ktheu përgjigjen vetë kreu i Qeverisë. Ai ka konfirmuar se nuk është me pushime, por se edhe kur t’i nisë ato do t’i bëjë vetëm në Shqipëri. Madje, sipas Ramës, ky do të jetë rregull edhe për ministrat e kabinetit të tij.
GSH.al sjell disa foto të shkrepura javën e kaluar në Parga të Greqisë në një nga hotelet luksoze në bregdetin grek. Një person që ka ngjashmëri të madhe me kreun e qeverisë, po pushon aty së bashku me gruan dhe vajzën e tij. Shikoni fotot për të vërejtur ngjashmërinë e madhe me Ramën.
