Real Madridi dhe Liverpooli janë duke zhvilluar ndeshjen kthyese të 1/8 së finales në Ligën e Kampionëve në Santiago Bernabeu.
Ishin 45 minuta fantastike, në të cilën u regjistrua lojë e hapur, dinamike dhe raste të njëpasnjëshme nga të dyja palët.
Darwin Nunez pati një prej rasteve të para në ndeshjen, mirëpo Thibaut Courtois ia mohoi golin.
Në anën tjetër, Los Blancos rrezikuan përmes Vinicius Junior, derisa goditja e frikshme e Eduardo Camavingas u devijua dhe me një prekje të Alisson u përplas në transversale.
Pasoi një goditje tjetër e jashtëzakonshme nga Luka Modric, e cila shkoi shumë pranë mbi portë.
Sërish në anën tjetër i rrezikshëm u tregua Nunez, mirëpo sërish në vend ishte Courtois për t’ia mohuar golin.
Kujtojmë që Real Madridi ka fituar me rezultat 5-2 në ndeshjen e parë në Anfield, ashtu që Liverpooli duhet të krijojë së paku epërsi prej tre golash për ta dërguar ndeshjen në vazhdime. /Telegrafi/
