Elseid Hysajn ka ofertë konkrete tashmë nga klubi i njohur rus, Spartak Moska.
Sipas asaj që zbulon gazetari italian Gianluca Di Marzio, klubi rus ka bërë ofertë për shqiptarin, pasi po synon që të rritet edhe në prestigj duke afruar emra të njohur, mes të cilëve dhe Hysaj.
Sipas asaj që bën të ditur Di Marzio, për 26-vjeçarin Spartaku ka bërë ofertë prej 7 milion eurosh që i është dërguar Napolit. Një shifër jo e lartë, por lojtari mbetet pa kontratë verën e ardhshme dhe Napoli mund të përfitojë nga kjo për të mos e humbur falas.
Në anën tjetër Hysajt klubi i ka ofruar një kontratë 5-vjeçare, me një pagë prej 3 milionë euro në sezon, që është jo joshëse dhe mund ta bindë Hysajn për t’u transferuar në Rusi.
Hysaj ka qenë i padiskutueshëm në formacionin e Gennaro Gattusos në këtë fillim. /Telegrafi/