Spanja shënon fitoren më të thellë deri më tani në Eurobasket

Spanja ka shënuar fitoren më të thellë deri më tani në kampionatin evropian të basketbollit.

Spanjollët kanë triumfuar kundër fqinjëve tonë malazez me rezultat të thellë prej 99-60.

“Furia e Kuqe” dëshmoi cilësitë qysh në pjesën e parë, ku realizoi 51 pikë ndërsa pranoi 29 sosh.

Epërsinë prej 22 pikëve të 20 minutshit të parë e thelluan në pjesën e dytë duke dëshmuar se janë ndër favoritët kryesor për të fituar kampionatin, i cili për herë të parë në histori po zhvillohet në katër shtete të ndryshme.

Spanja me një përbërje super të fortë, triumfoi në saje të një loje të bukur në sulm dhe mbrojtje të çeliktë, ku rezultati në  semafor në  fund të  takimit tregonte shifrat 99-60.

Basketbollisti më efikas te spanjollët ishte Willy Hernangomez me 18 pikë ndërsa dy më pak i shënoi Nikola Vucevic i Malit të Zi. /Telegrafi/