Juventusi ka pësuar humbjen e dytë sezonale dhe kështu festa e titullit në Serie A për klubin nga Torino shtyhet.
Zonja e Vjetër humbi me rezultat 2-1, në një ndeshje ku Massimiliano Allegri vendosi t’i jap hapësirë lojtarëve që këtë sezon kanë pasur më pak minuta dhe atyre të rinjve.
Moise Kean ishte i pari që shënoi në këtë takim, ylli i ri i Juves kaloi skuadrën e tij në epërsi në minutën e 30-të. Joao Cancelo kishte një rast në minutën e 42-të, por nuk arriti të shënojë dhe me rezultatin 1-0 përfundoi pjesa e parë.
Splai e filloi mirë pjesën e dytë dhe kështu barazoi rezultatin me Kevin Bonifazi (49′) dhe pastaj rrezikoi seriozisht me Alessandro Murgia (58′).
Hans Nicolussi i Juves provoi nga distanca në minutën e 67-të, por portieri kundërshtar bëri një pritje të mirë.
Në minutën e 74 në skenë doli Sergio Floccari, i cili me një gol nga afër nuk i dha ndonjë mundësi Mattia Perinit.
Juventusi tani renditet në vendin e parë me 84 pikë, kurse Spali ngjitet në pozitën e 13-të me 35 pikë. Në javën tjetër Zonja e Vjetër pret në shtëpi Fiorentinën, ndërsa Spal udhëton te Empoli. /Telegrafi/