Kompania SpaceX e Elon Musk do të ketë vlerë rreth 500 miliardë dollarë deri në vitin 2030, tha investitori miliarder Ron Baron në një intervistë me CNBC të premten.
Baron, i cili sipas CNBC zotëron më shumë se 1 miliard dollarë aksione në kompaninë e raketave, tha se kompania do të ketë vlerë nga 250 miliardë deri në 300 miliardë dollarë gjatë tre viteve të ardhshme, transmeton Telegrafi.
Vlera aktuale e SpaceX prej rreth 150 miliardë dollarësh e bën atë një nga kompanitë private më të vlefshme në botë.
Më herët gjatë muajit, Musk tha se Starlink, njësia e SpaceX, tani po gjeneron të ardhura të mjaftueshme për të mbuluar të gjitha kostot që lidhen me funksionimin dhe mirëmbajtjen e shërbimit të internetit satelitor. /Telegrafi/