Në Gjykatën Penale sot është caktuar seancë e re gjyqësore për rastin “Tanku”, ku të akuzuar nga PSP janë ish-kryeministri Nikolla Gruevski, ish-ministrja e Punëve të Brendshme, Gordana Jankulloska dhe ish-ndihmës i ministrit në MPB, Gjoko Popovski, për blerjen e Mercedesit luksoz për 600 mijë euro.
Sipas aktakuzës, në periudhën shkurt-nëntor të vitit 2012 Nikolla Gruevski si person zyrtar ka shfrytëzuar ndikimin e tij dhe ka kërkuar nga ministrja e Brendshme, Gordana Jankulloska, të shpall konkurs dhe në emër të MPB-së të blerë makinë të tipit “Mercedes C-600”, përcjell Telegrafi Maqedoni.
Në seancën e fundit që u mbajt më 15 mars, u dëgjuan tre dëshmitarë, ndërsa gjykatësja vendosi të ndërprejë gjykimin për shkak të mungesës së dëshmitarit të katërt, i cili pritet të dëshmojë sot./Telegrafi/