Në Gjykatën Penale sot duhet të nbahet seancë gjyqësore për rastin “Dhuna në Qendër”, në të cilin i akuzuar është ish-kryeministri, Nikolla Gruevski, ish-ministri i Transportit dhe Lidhjeve, Mile Janakieski, deputetja Daniella Rangellova dhe 11 persona tjerë.
Gjykatësja Tatjana Mihajllova në seancën e kaluar nuk pranoi kërkesën e të akuzuarve për shtyrjen e gjykimit, duke filluar diskutimin kryesor, përcjell Telegrafi Maqedoni.
Në seancën e kaluar u soll vendim që procedura për dy të akuzuar në këtë rast të ndahet. Një është kundër të akuzuarit të shtatë Dimçe Krstev, ndërsa procedura e dytë e ndarë është kundër të akuzuarit të katërt Tomisllav Llazarov, i cili pranoi fajin dhe tha se ndjen keqardhje për veprën.
Prokurorja e vlerësoi si befasuese, por pozitive pranimin e fajit nga Llazarov.
Ish-kryeministri Gruevski është i akuzuar nga PSP për nxitje të dhunës që ka ndodhur gjatë protestave në Komunën Qendër në qershor të vitit 2013./Telegrafi/