“Sot, unë dështova”, Bruno Fernandes vjen me një postim të gjatë pas humbjes së penalltisë

Mesfushori i Manchester United, Bruno Fernandes ka lëshuar një deklaratë të gjatë pas humbjes së penalltisë kundër Aston Villas të shtunën.

Unitedi kishte rast të barazonte rezultatin në minutat e fundit të ndeshjes, por Fernandes humbi penalltinë dhe ekipi i tij u mposht 1-0.

Pas ndeshjes, portugezi u kritikua shumë për huqjen e penalltisë, ndërsa tani Fernandes ka lëshuar një deklaratë kur kërkon falje për dështimin.

Lexo po ashtu Momenti kur Bruno Fernandes godet penalltinë ‘më të keqe’ në karrierë

“Unë gjithmonë kam marrë përgjegjësitë e mia dhe i kam përqafuar gjithmonë nën presion në momente si kjo. Sot, dështova. Por unë bëra një hap përpara dhe u përballa me sfidën me të njëjtën ambicie dhe përgjegjësi si kur, në shumë raste të tjera, topi përfundoi në rrjetë”.

“Kritikat dhe opinionet e kundërta janë një pjesë e madhe e futbollit. Unë kam mësuar të jetoj me to, madje edhe duke i përdorur ato për të më shtyrë përpara, dhe i konsideroj të gjitha një pjesë shumë të rëndësishme të angazhimit tim për të mos ndalur kurrë përpjekjen për t’u përmirësuar dhe për t’u bërë lojtari më i mirë që mund të jem, për veten dhe ekipin”.

“Sot mora përsëri përgjegjësinë që më është dhënë që kur u bashkova me Unitedin dhe do ta marr përsëri pa asnjë frikë kur të më kërkohet”.

“Gjëja më e rëndësishme për mua është të fitojmë së bashku dhe gjithmonë do të bëj gjithçka që mundem për të ndihmuar shokët e mi të skuadrës dhe klubin që të jenë më të mirët që mund të jemi”.

Lexo po ashtu Emiliano Martinez fitoi betejën psikologjike ndaj Cristiano Ronaldos, portugezi nuk ‘guxoi’ ta godasë penalltinë në minutat shtesë

“Unë jam një lojtar që lë gjithçka në fushë, me dëshirë dhe përkushtim të madh. Dhe kjo është ajo që do të vazhdoj të bëj”.

“Faleminderit për të gjithë mbështetjen tuaj pas vërshëllimës së fundit! Të dëgjoja duke brohoritur emrin tim në stadium ishte shumë emocionuese… Unë do të kthehem më i fortë, sepse këto janë standardet që unë mbaj, por mbi të gjitha për shokët e skuadrës dhe tifozët tanë që na kanë mbështetur gjithmonë”, ka shkruar Fernandes në profilin e tij privat në Instagram. /Telegrafi/