Në suaza të projektit “Nëse nuk bëjmë diçka ndryshe, asgjë nuk do të ndryshojë”, në sheshin “Iliria” në Tetovës, sot me fillim prej orës 17:00, do të realizohet teatër rrugor, njofton Telegrafi Maqedoni.
Ky projekt gjithashtu është mbajtur edhe në komuna tjera në Pollog, duke filluar nga shtëpia për kulturë në Gostivar. Pas teatrit rrugor mbahen edhe debate me tema aktuale politike për Maqedoninë. Autor dhe regjisor i projektit është ish ministri Sulejman Rushiti, ndërsa aktorë janë: Zarije Jonuzi-Xaka, Elmir Sejfullahi, Linda Shabani, Florim Memedi, Azra Sallahi dhe Lorean Rushiti./Telegrafi/
