Sot skadon afati tetë ditor që presidentit të shtetit, Gjorge Ivanov, që ka në dispozicion për të nënshkruar dekretin e Ligjit për përdorimin e gjuhëve.
Sipas kryetarit të Kuvendit, Talat Xhaferi, ligji mund të publikohet në Gazetën Zyrtare edhe pa nënshkrimin e presidentit Ivanov.
Nga Gazeta Zyrtare shprehen se nga Kuvendi ende nuk kanë pranuar kërkesë për publikimin e Ligjit për përdorimin e gjuhëve, ndërsa nga ana tjetër shërbimet e Kuvendit nuk shpalosin se kur planifikojnë të dërgojnë kërkesën për publikimin e Ligjit në Gazetën Zyrtare.
Ndërsa nga OBRM-PDUKM-ja edhe njëherë ritheksojn se ligji është antikushtetues dhe paralajmërojnë padi penale për kreun e Kuvendit Talat Xhaferi. Nga kjo parti theksojnë se Ligji për përdorimin e gjuhëve nuk mund të shpallet në Gazetën Zyrtare pa firmën e presidentit të shtetit Gjorge Ivanov.