Moti sot në vendin tonë do të jetë në mëngjes me ngrica, kurse gjatë ditës temperaturat do të shënojnë ngritje.
Sipas Prishtina Weather, në fillim të javës vendi ynë mbetet nën rrymimin e masave të ngrohta ajrore, që do të kushtëzojnë mot të butë, derisa nga Atlantiku përgjatë Italisë do të depërtojnë fusha të presionit të ulët, që nga rajoni ynë do të sjellin mundësi edhe për reshje lokale shiu.
Të mërkurën vonë gjatë natës depërtimi i një fronti të ftohtë mund të sjell mundësi për reshje afatshkurta bore edhe në vise të ulëta.
Vlerat e cilësisë së ajrit do të luhaten përreth vlerave mesatare, e kohëpaskohe do të rriten edhe në të pashëndetshme.
9.02 – Kthjellët dhe me diell. Në mëngjes ngrica, e ditën mot më i butë.
10.02 – Mot i butë, gjatë ditë s vransirat do të shtohen. Në mbrëmje vonë priten reshje lokale shiu.
11.02-12.02 – Të martën, mot i butë, me vransira dhe intervale me diell. Kohëpaskohe priten reshje lokale shiu, në vise malore borë.
Ditën e mërkurë butë, kryesisht me vranësira. Në mbrëmje reshje shiu, që më vonë gjatë natës do të shndërrohen në reshje bore.
Gjatë kësaj periudhe temperaturat do të shënojnë rritje graduale edhe mbi vlera mesatare. Minimalet do të luhaten nga -5C deri në 4C, e maksimalet nga 5C deri në 12C.
Do të fryejë erë e lehtë drejtimesh të ndryshme 1-4m/s, ndërsa në fillim të javës kryesisht nga jugperëndimi 4-14m/s.
Shtypja atmosferike do të rritet mbi vlera normale, e nga fillim i javës do të pësojë rënie. /Telegrafi/
