Në edicionin e sotëm të emisionit ‘Debat Plus’ në RTV Dukagjini, do të mund të ndiqni rrëfime ekskluzive të protagonistëve të rëndësishëm të luftës në fillet e saj në vitet ‘90 dhe më pas.
Në emision të mund të dëgjoni të pathëna për organizimet dhe luftën e UÇK-së si dhe trajnimet e grupeve të para në Shqipëri.
Në një rrëfim të detajuar miku dhe bashkëluftëtari i Zahir Pajazitit, Fadil Begu, tregon për nisjen, trajnimet dhe kthimin e grupit të parë nga Shqipëria. Ai e tregon edhe versionin e tij për vrasjen e Zahir Pajazitit.
Pjesë e të intervistuarve është edhe Sokol Poga, pjesëmarrës në trajnimet e Adem Jasharit dhe Zahir Pajazitit. Poga flet edhe për arrestimet e mundshme nga shteti Shqiptar, duke treguar se kush intervenoi për t’i liruar nga burgu.
Ndërkaq udhëheqësi i stërvitores së Helshanit tregon se si dhe nga kush u largua nga lista e veteranëve.
Organizimi i operacionit Shigjeta, vështirësitë dhe sfidat e realizimit të tij vijnë në një rrëfim nga njerëzit që ishin pjesë e këtij operacioni.
Këto dhe detaje të tjera i kuptoni në edicionin që transmetohet sonte në orën 20.30 në RTV Dukagjini.