Soni Malaj ka qenë një ndër të intervistuarat e kësaj jave të emisionit “Thumb” të gazetareve Aulona Musta dhe Fatma Haxhialiu.
Në një prej rubrikave ku është folur rreth dasmës mbretërore të Princ Leka II me Elia Zaharian, këngëtarja ka rrëfyer përjetimet e saj si shoqja e ngushtë e princeshës.
Një nga pyetjet lidhej me dhuratën që ajo i ka bërë çiftit, të cilën ajo nuk e ka treguar, edhe pse ka treguar një detaj mjaft interesant.
“Dhurata mbetet sekret. Kam bërë thjesht një gabim kur e kam shkruar dedikimin, por nuk besoj se Elia do ta vërë re”, është shprehur Soni duke qeshur, me shpresën se Elia është përqendruar vetëm te dhurata, pa i kushtuar rëndësi detajeve të tjera. /Telegrafi/
