Emisioni “Debat Plus”, nga RTV Dukagjini ka përfshirë disa pyetje në kuadër të OMNIBUS-it që realizohet çdo tre muaj nga UBO Consulting.
Nga sondazhi në kuadër të OMNIBUS-it për matjen e opinionit publik nëse zgjedhjet do të mbaheshin këtë të diel, Lëvizja Vetëvendosje (LVV) do të printe e para në listë, duke kryesuar me 48.5 %, PDK- 18.2 %, LDK- 17.9 %.
Sipas këtij sondazhi nëse këto zgjedhje do të mbaheshin, atëherë LVV do të kishte 53 deputetë në Kuvend.
PDK do të kishte 20 deputetë. Njëjtë do t’i kishte edhe LDK – 20 deputetë.
Kurse AAK do t’i kishte 7 deputetë, kurse minoritetet 20 deputetë të cilat i kanë të rezervuara.
Kështu bën të ditur Drejtori ekzekutiv në TV Dukagjini, Ermal Panduri, në emisionin “Debat Plus”, në RTV Dukagjini, teksa prezantoi të dhënat e fundit ku RTV Dukagjini, ka përfshirë disa pyetje.
Omnibusi bëhet në baza të rregullta çdo tre muaj.
Të anketuar janë 1 mijë e 66 persona dhe të dhënat janë mbledhur mes datës 16 dhe 23 dhjetor.
