Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.
Në këtë sondazh qytetarët janë pyetur për rezultatet e zgjedhjeve në Podujevë.
Më shumë se gjysma e qytetarëve (61%) mendojnë se pas zgjedhjeve në Podujevë, situata do të jetë më e mirë se që ishte para zgjedhjeve. 16% mendojnë se situata nuk do të ndryshojë ndërsa vetëm 7% mendojnë se situata do të jetë më e keqe se që ka qenë para këtyre zgjedhjeve.
41% e qytetarëve mendojnë se Vetëvendosje do t’i përmbush pritjet e qytetarëve të Podujevës pas këtyre zgjedhjeve.
Qytetarët e anketuar fitoren e Bulliqit në Podujevë e shohin për shkak të pakënaqësisë së përgjithshme që ka elektorati ndaj LDK-së.
41% mendojnë se pakënaqësia e përgjithshme me LDK-në si parti ka ndikuar që VV t’i fitoj
zgjedhjet në Podujevë.
30% mendojnë se pakënaqësia ndaj qeverisjes së LDK-së në Podujevë ishte shkaku pse VV i fitoi zgjedhjet ndërsa 29% e të anketuarve mendojnë se VV i fitoi zgjedhjet për shkak të përkrahjes së që ka kjo parti nga elektorati.
Bëhuni pjesë e sondazheve tjera – shkarkoni aplikacionin Pyper (iOS)
Bëhuni pjesë e sondazheve tjera – shkarkoni aplikacionin Pyper (Android)
Rezultatet e detajuara të sondazhit të Pyper i gjeni në grafikët e mëposhtëm.
