Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.
Në këtë sondazh qytetarët janë pyetur në lidhje me zhvillimet e fundit politike që lidhen me qëndrimet e LDK-së për votimin e presidentes.
Rreth 85% e qytetarëve të anketuar kanë përshëndetur vendimin e LDK-së për të marrë pjesë në seancën e zgjedhjes së presidentit. Rreth 15% mendojnë se ky nuk ishte vendim i duhur i LDK-së.
Mbi 74% e respodentëve mendojnë se votimi i mundshëm i Vjosa Osmanit nga LDK do të ishte pozitiv për këtë parti në raport me përmirësimin e imazhit. Rreth 12% mendojnë se nëse LDK voton Osmanin për presidente, ky veprim do të ketë ndikim negativ në imazhin e saj. Rreth 14% e respodentëve nuk kanë mendim.
60% e respodenëtve mendojnë se reformat e brendshme në parti do të ndikojnë që LDK në zgjedhjet e ardhshme të fitojë më shumë vota. 16% mendojnë se reformat në LDK nuk ndikojnë në rritjen e partisë në zgjedhjet e ardhshme. Ndërsa rreth 24% nuk kanë mendim për këtë çështje.
Bëhuni pjesë e sondazheve tjera – shkarkoni aplikacionin Pyper (iOS)
Bëhuni pjesë e sondazheve tjera – shkarkoni aplikacionin Pyper (Android)
Rezultatet e detajuara të sondazhit të Pyper i gjeni në grafikët e mëposhtëm.
