Redaksia e sportit në mediumin më të madh online në Kosovë, Telegrafi.com do të vazhdojë traditën për të zgjedhur më të mirët e vitit në futbollin kosovar.
Si gjithmonë do të ndahen çmimet për secilën pozitë, portieri, mbrojtësi, mesfushori, sulmuesi e talenti i vitit duke mos harruar edhe trajnerin e vitit.
Duke marrë parasysh që lexuesit janë të shenjtë për ne, Telegrafi nga viti i kaluar ka vendosur që ta ndajë edhe çmimin e lexuesve.
Telegrafi ka zgjedhur 12 emra të futbollistëve që kanë lënë gjurmë brenda vitit 2024 në futbollin kosovar dhe që janë ende pjesë e futbollit tonë, ku votat e lexuesve do ta zgjedhin më të mirin.
Sondazhi i Telegrafit do të zgjatë deri të dielën e 15 dhjetorit kur do të mbyllet dhe është krejtësisht transparent pasi lexuesit do ta zgjedhin më të mirin e vitit.
Vlen të theksohet se vitin e kaluar këtë çmim e fitoi mbrojtësi Lumbardh Dellova, që aktualisht luan në Bullgari te CSKA Sofja (Voto këtu). /Telegrafi/
‘Lojtari i Vitit 2024′ në Superligën e Kosovës në futboll
<p><em>Rezultati i këtij sondazhi do të përcaktojë fituesin e çmimit “Më i miri nga lexuesit e Telegrafi Sport”</em></p>
- Albert Dabiqaj (Drita)
- Albin Krasniqi (Prishtina)
- Armend Thaqi (Ballkani/Gjilani)
- Arlind Veliu (Malisheva)
- Besnik Krasniqi (Drita)
- Drilon Hazrollaj (Malisheva)
- Drilon Islami (Prishtina)
- Elvir Gashijani (Llapi)
- Enea Koliçi (Ballkani)
- Etnik Brruti (Malisheva)
- Faton Maloku (Drita)
- Lindon Emërllahu (Ballkani)