Ole Gunnar Solskjaer ka konfirmuar se Alexis Sanchez do të kthehet te Manchester Unitedi pas huazimit te Interi.
Kiliani iu bashkua Nerazzurrëve në gushtin e kaluar në formë huazimi njëvjeçar, ndërsa ai ka edhe dy vite të mbetura në kontratën e tij në Old Trafford.
Ai ka shënuar vetëm një gol në shtatë paraqitjet e tij te zikaltrit, ndërsa lëndimet dhe problemet me kondicion, ia kanë kufizuar lojën.
E njëjta gjë i kishte ndodhur 31-vjeçarit edhe te Unitedi duke mos e treguar formën e kërkuar. Megjithatë, Solskjaer është i bindur se ai ka të ardhme te Djajtë e Kuq.
“Alexis do të kthehet në verë dhe do ta dëshmojë se të gjithë e kanë pasur gabim për të”, ka thënë strategu norvegjez në një konferencë për shtyp. /Telegrafi/