Santiago Solari e ka ‘goditur’ Pep Guardiolan, pasi ky i fundit nuk e kishte futur Real Madridin ne mesin e tri skuadrat më të mira të dekadës së fundit.
Guardiola kishte thënë se Juventusi, Bayern Munich dhe Barcelona janë tri klubet më të forta të dekadës së fundit, duke i përjashtuar mbretërit edhe pse e kanë fituar katër herë Ligën e Kampionëve.
“Unë e kam thënë shumë herë: cilët janë skuadrat më të mira në dekadën e fundit? Juventusi, Bayern Munich, Barcelona “.
“Këto janë tre skuadrat më të mira në Evropë, sepse për çdo sezon ata fitojnë ligën, çdo sezon fitojnë kupat, çdo sezon janë atje, sepse janë më të mirët”, deklaroi Guardiola.
Real Madridi e viziton Gironan të enjten për ndeshjen e dytë çerekfinale të Kupës së Mbretit, pasi e para ishte mbyllur 4-2 për mbretërit.
“Mendoj se mungesa e Real Madridit është e qëllimshme, por nuk do të debatojmë për një dekadë ose një tjetër kur Real Madridi është klubi më i mirë i shekullit dhe në histori”.
“Dhe gjithashtu në dekadën e fundit, gjithsesi. Është për shkak se Real nuk e nënvlerëson asnjë rivalë”, deklaroi Solari.
Madridi ka qenë kampion i Evropës në katër nga pesë sezonet e fundit. /Telegrafi/