Tridhjetë vite me parë një turistësh nga Italia do të përbënte një ngjarje të pazakontë për shqiptarët e izoluar nga diktatura. Tridhjetë vite më vonë është periudha e realizimit socialist që ngjall kureshtjen e turistëve të huaj.
“Jam nga Como. Erdhëm në Shqipëri sepse kemi kuriozitet për historinë tuaj, se çfarë ka ndryshuar këtu. Bunkeri për shembull për ne është një gjë shumë e çuditshme. Por, jemi të kënaqur, sepse duke mësuar për të shkuarën, mund të kuptojmë të ardhmen”.
Nostalgjia e së kaluarës ka sjellë në Shqipëri edhe këtë grup nga Kina. Ata thonë se shqiptarët vazhdojnë të mbeten për ta “populli mik”.
Ndërsa, Martini dhe Korelia nga Gjermania, mendojnë së Shqipëria ofron terren për aktivitete të ndryshme sportive dhe kulturore.
“Jam e surprizuar sesa shumë kafene ka në Shqipëri. Njerëzit janë të dashur dhe miqësor me të huajt. Ne ndjehemi mire dhe të sigurt këtu”, thotë Korelia.
Sipas të dhënave të INSTAT-it, gjatë vitit 2018 rreth 5.6 milionë shtetas të huaj e vizituan Shqipërinë për qëllime pushimi nga më shumë se 4.6 milionë turistë që erdhën më 2017. /Klan/