Opozita dhe kryetari, Gjorgje Ivanov konfirmuan se ata janë oportunistë dhe nacionalistë me pikëpamje të shkurtër, thonë nga Aleanca Progresive e Socialistëve dhe Demokratëve në Parlamentin Evropian, përcjell Telegrafi Maqedoni.
Ata përgëzuan qytetarët e Maqedonisë për votimin në referendumin konsultativ në favor të ndryshimit të emrit.
Ata shprehin keqardhje që pjesëmarrja ishte nën 50 për qind për arsye të ndryshme, por kërkon që opozita të respektojë vullnetin e shprehur të shumicës së votuesve.
“Ne jemi të lumtur që shikojmë se shumica e votuesve mbështetën marrëveshje për emrin, çka e arritën kryeministrat Zaev dhe Tsipras. Për fat të keq, pjesëmarrja nuk arriti 50 për qind. Fushata e paprecedentë manipuluese dhe dezinformuese dekurajon shumë njerëz që të dalin në votim. Pjesë e opozitës, e cila i takon familjes së Partisë Popullore Evropian dhe Kryetari e bojkotuan referendumin dhe edhe një herë konfirmuan se ata janë nacionalistë oportunistë dhe dritëshkurtër. Është një turp që kryetari Ivanov i bëri thirrje bashkëqytetarëve që të mos marrin pjesë në përcaktimin e të ardhmes së vendit të tyre”, tha kryetari i Grupit të Socialistëve dhe Demokratëve, Udo Bullmann.
Ai shprehu veçanërisht shqetësimin për shkak të raportit për ndërhyrjen ruse në procesin e zgjedhjeve.
Zëdhënësi për marrëdhënie me jashtë, Knut Fleckenstein, i uroj qytetarëve të cilët dolën të votojnë sipas vullnetit të tyre dhe ndjenë përgjegjësi për vendin./Telegrafi/