Sllovenia e ka mbajtur një seancë stërvitore në stadiumin “Fadil Vokrri” në Prishtinë, para ndeshjes që zhvillohet nesër ndaj Kosovës.
Atmosfera në trajnim ishte e qetë, por futbollistët treguan një fokus në një përballje të rëndësishme me Kosovën, shkruan ueb faqja e federatës sllovene.
Përzgjedhësi Matjaz Kek, ka punuar me lojtarët që nuk e fshehën dëshirën për punë.
Në stërvitje ishin edhe yje të njohur si portieri Jan Oblak dhe mesfushori Jasmin Kurtic.
Pas dy ndeshjeve, Sllovenia ndan vendin e parë me Greqinë në grupin 3.
Priština 👋#SrceBije 🇸🇮 | #NationsLeague 🇪🇺 pic.twitter.com/JjayjNQHm2
— NZS | FA Slovenia (@nzs_si) October 10, 2020
Të dy ekipet kanë grumbulluar nga katër pikë, ndërsa Kosova dhe Moldavia kanë nga një.
Ndeshja e nesërme do të gjykohet nga gjyqtari anglez Andrew Madley. Kjo do të jetë ndeshje e parë ndonjëherë mes Sllovenisë dhe Kosovës. /Telegrafi/