Tanguy Ndombele është bërë njëri nga mesfushorët më të vlerësuar në kampionatin francez.
Talenti i madh i Lyon, ka shkëlqyer në dy vitet e fundit me fanellën bardh e kaltër, duke zgjuar interesimin e skuadrave të mëdha evropiane.
Ndombele ishte i huazuar vitin e kaluar te Lyon nga Amines, ndërsa këtë edicion kompletoi transferimin për tetë milionë euro.
Por paraqitjet e mira në kampionat dhe në Ligën e Kampionëve bënë që fillimisht lojtari të marrë ftesë nga Kombëtarja A e Francës.
Edhe çmimi i tij ka pasur rritje të ndjeshme, pasi nga tetë milionë euro sa ka kushtuar fillimisht, Lyon tani po synon të fitojë rreth 50 milionë euro nga shitja e tij.
Skuadra e mëdha evropiane si Roma, Juventus, Milan, Manchester City e Tottenham Hotspur janë duke e kërkuar lojtarin.
Dy ekipet që më së shumti kanë insistuar për lojtarin janë Manchester City dhe Juventus.
Por sipas mediave franceze, Ndombele do të zgjedhë kampionatin anglez dhe njërën mes Cityt dhe Tottenham. /Telegrafi/