Portieri i Kombëtares së Shqipërisë, Alban Hoxha mund të largohet nga Partizani i Tiranës.
Forma e mrekullueshme e treguar në stinorët e fundit kanë bërë që për të të interesohen shumë skuadra.
Partizani luajti me shumë sukses në kualifikimet e Ligës së Kampionëve dhe pastaj në Ligën e Evropës duke treguar formë të lartë.
E Hoxha u dallua më së shumti falë edhe intervenimeve të tija fantastike.
Kësisoj sipas të përditshmes shqiptare ‘Sport Ekspres’, është gjiganti kroat, Dinamo Zagreb që kërkon shërbimet e tij.
Nga ana tjetër duhet parë se si do të veprojë Partizani, që për të hequr dorë nga shërbimet e portierit, dëshiron të përfitojë financiarisht, dhe nga ajo që është përfolur me kohë, kartoni i Hoxhës vlerësohet rreth 400 mijë euro. /Telegrafi/