Mbrojtësi i Interit, Milan Skriniar ka theksuar se objektivi i skuadrës është kualifikimi në Ligën e Kampionëve, por skuadra duhet ta marr ndeshje pas ndeshjes.
Mbrojtësi shtatlartë sllovak ka filluar mirë tek Interi që nga transferimi i tij këtë verë nga Sampdoria duke u bërë një titullar fiks në qendër të mbrojtjes së bashku me brazilianin Joao Miranda.
Megjitatë, Skriniar po qëndron me këmbë në tokë duke mos u dhënë shumë në premtime dhe deklarata të mëdha.
“Sezoni ka filluar mirë dhe shpresoj të vazhdoj në këtë drejtim për Interin dhe për ekipin tim kombëtar”, ka thënë fillimisht Skriniar për Mediaset Premium.
“Unë gjithmonë dua të ndihmoj ekipin dhe nga ana tjetër ata më ndihmojnë. Ndoshta kjo është arsyeja pse unë u vendosa në mënyrë të mirë në Inter, është e lehtë për të luajtur me shokët e tillë të mëdhenj”.
“Ekzistojnë disa qendërmbrojtës në skuadër dhe është në dorë të trajnerit për të vendosur se kush kur luan”.
“Ne duhet të përpiqemi të fitojmë çdo ndeshje dhe pastaj të shohim se ku jemi. Objektivi është kualifikimi në Ligën e Kampionëve, por ne duhet të marrim ndeshje pas ndeshjes”, përfundoi mbrojtësi sllovak. /Telegrafi/