Trupi i pajetë i shtetases amerikane, e moshës 54 vjeçare e cila humbi jetën të martën nga një ortek i papritur bore në një zonë të njohur si “Foleja e Shqiponjës”, u nxorrë përmes ndihmës së disa skiatorëve.
Faqja Brezovica.info në rrjetin social Facebook përmes një statusi ka falënderuar skiatorë të cilët arritën ta nxjerrin trupin edhe pse zona ishte mjaft e vështirë.
“Një falënderim i madh për këta skiatorë të mrekullueshëm e të guximshëm vendas që rrezikuan jetën e tyre për të rimarrë trupin e pajetë të skiatores e cila ishte zënë nga orteku. Marko Stanisiq, Endrit Haxhikadrija, Rifat Bytyqi, Meriton Bobaj, Radovan Sibinoviq, Milan Petroviq, Ivan Stojanoviq, Nikola Nikoliq, Mihajlo Iliq”, shkruhet në postim.
Gjithashtu në faqen zyrtare të Shërbimit të Kërkim-Shpëtimit Malor të Kosovës janë publikuar disa fotografi të skiatorëve duke ndihmuar nxjerrjen e trupit të pajetë të shtetases amerikane. /Telegrafi/
