Reperi i njohur nga Shqipëria, Skerdi Ago, ka nisur përgatitjet për një tjetër projekt të ri muzikor.
Ai këtë herë ka bashkuar forcat me këngëtaren Samanta Karavella, kënga e të cilëve pritet të publikohet së shpejti.
Lajmin e ka bërë të ditur vet artisti duke ndarë me fansat në Instagramin e tij një pjesë të shkurtër nga klipi.
“Keni me ra në dashuri me këngën e re”, ka qenë përshkrimi krahas videos ku ka etiketuar edhe artisten e mirënjohur.
Në anën tjetër, Karavella ka ndarë disa fotografi të vetes nga videoklipi teksa vjen në një paraqitje të mrekullueshme e me stil unik.
Ky është bashkëpunimi i parë i dyshes, i cili besohet se do të pritet mjaft mirë edhe nga publiku.
Ndryshe, dyshja e famshme këtë kohë kanë qenë tejet të angazhuar në projekte e këngë solo. /Telegrafi/