Skender Buzaku nga selia e Bashkësisë Fetare Islame ka deklaruar se ai me vendim gjyqësor është reisi i ri i BFI-së.
“Kemi dërguar letër deri tek Policia Financiare për të bërë inspektimin e punës tek BFI. Tani për tani nuk mund të japim asgjë. Nesër do të jeni të njoftuar do të vazhdoni punën. Unë jam Skender Buzaku, reisi i ri në bazë të vendimit të Gjykatës.
“Raportet do të inspektohet se si është punuar në BFI. Nuk ka nevojë të takohem me Mulla Sulën. Nuk ka puç në BFI, të gjitha aktet janë bërë në përputhje me aktet e BFI-së”, ka deklaruar Buzaku.
Ndryshe, një grup personash janë futur pasditen e sotme në Bashkësinë Fetare Islame me pretekstin se Gjykata Themelore Shkup ka marrë vendim për shkarkimin e kryetarit të BFI-së Sulejman Rexhepi.
Grupi i cili është futur në BFI këmbëngul se Gjykata Themelore Shkup 2 ka pranuar kërkesën që kryetar i ri i BFI-së të jetë Skender Buzaku dhe se vendimi gjatë ditës së nesërme do të shpallet në Gazetën Zyrtare./Telegrafi/
