Formimi i Ushtrisë do ta sfidojë edhe Qeverinë Haradinaj.
Shndërrimi i Forcës së Sigurisë në Forcë të Armatosur vazhdon të mbetet ende temë sa e nxehtë aq edhe e paprekshme, kjo për një faktor të vetëm: Listën Serbe.
Rexhep Selimi nga Lëvizja Vetëvendosje thotë se nuk ka formim të Ushtrisë pa pëlqimin e Listës Serbe. Madje, ai shtoi se përderisa kjo parti është e ndikuar kryekëput nga Beogradi, nuk duhet të pritet që të ndryshojnë mendim për këtë çështje.
Ndërkaq, Haki Abazi po e vlerëson si gabim të madh të institucioneve të mëhershme që me marrëveshjet e nënshkruara në Bruksel i kanë dhënë rol shumë të madh kësaj partie në temat kyçe për zhvillimin e vendit. /Tribuna Channel/
