Derisa Interi po zhvillonte përgatitjet përfundimtare përpara se të përballet me Benfikën në ndeshjen e dytë çerekfinale të Ligës së Kampionëve të mërkurën në mbrëmje, ndodhi një situatë tensionuese në stërvitje.
Dy lojtarë të Nerazzurëve janë përplasur mes vete, duke bërë që pjesa tjetër e ekipit të ndërhynte për të qetësuar gjakrat.
Andre Onana dhe Marcelo Brozovic duhej të ndaheshin nga shokët e skuadrës për të parandaluar një situatë më të rëndë.
Ndërsa skuadra e Nerazzurrëve po ngrohej, portieri bëri një ndërhyrje të vonuar ndaj Brozovic dhe u duk se u përplas me të.
Brozovic nuk e pranoi shumë mirë incidentin, por dy lojtarët u ndanë nga shokët e skuadrës përpara se situata të përshkallëzohej.
Kjo situatë mund të shkaktojë jo pak shqetësim për Simone Inzaghin, që natyrisht se kërkon unitet mes grupit të lojtarëve para një ndeshje të madhe. /Telegrafi/
#Inter, scintille #Onana–#Brozovic in allenamento, entrata dura di Onana su Brozovic nel torello, reazione del croato e si riscaldano gli animi intervengono D’Ambrosio e Lukaku a fare da pacieri
👉 @ivanfcardia pic.twitter.com/hFDjCOQLFA— TUTTOmercatoWEB (@TuttoMercatoWeb) April 18, 2023