Simulim i dobët i Edin Dzekos gjatë përplasjes verbale me Pepen

Sulmuesi boshnjak, Edin Džeko e ka merituar një çmim Oscar në ndeshjen kundër Portos.

Kjo e fundit vetëm pas vazhdimeve ka arritur ta eliminon skuadrën e Romës në saje të rezultatit të përgjithshëm 4:3 (1:2).

Në një moment futbollisti i romakëve kishte një konflikt verbal me mbrojtësin Pepe, i cili njihet si lojtar i ashpër.

E duke e ditur këtë fakt, shtatgjati iu afrua portugezit kokë më kokë dhe për një moment ra për toke para syve të gjyqtarit Cuneyt Cakir.

Ky i fundit nuk ra në grackën e futbollistit të kryeqytetit italian dhe i kërkoi atij të ngrihej nga fusha që ra pas “përplasjes”.

Lexo po ashtu Porto 3-1 Roma: Notat e lojtarëve nga drama në Estadio do Dragao

Dzeko ashtu sikurse edhe ish-lojtari i Real Madridit më pas u zverdhën për shkak të ngritjes së tensioneve mes tyre.

Ndryshe, Porto do të mësojë kundërshtarin e radhës gjatë javës së ardhshme (15 mars), kur edhe hedhet shorti në Nyon. /Telegrafi/