Nënkryetari i Listës Serbe Igor Simiq ka thënë se Milan Radojçiq askujt nuk i ka bërë keq dhe se gëzon respekt nga shqiptarët dhe serbët.
Simiq, në “Debat Plus” me Ermal Pandurin në RTV Dukagjini, ka thënë se Radojçiq ka dërguar shqiptarë për shërim në Beograd e që Thaçi nuk e ka bërë apo nuk ka mundur ta bëjë.
“Radojçiq ka dhënë kontribut në këto zgjedhje. Ai gëzon respekt të serbët dhe shqiptarët. Nuk mund të gjesh një shqiptarë që thotë se Radijqiçi i ka bërë të keqe. Unë gjej 100 shqiptarë që ai u ka ndihmuar në shërim apo në mënyra tjera”.
Nënkryetari i Listës Serbe thotë se Radojçiq po përndiqet politikisht.
Ai ka thënë se vetëm një hetim i pavarur ndërkombëtarë mund të zbulojë vrasjen e Oliver Ivanoviqit.
“Serbët nuk kanë besuar se Milan Radijçiq mund të jetë i përfshirë në vrasjen e Oliverit ashtu siç pretendohet nga Prishtina”, tha ndër të tjera Igor Simiq./Telegrafi/