Ky është momenti rrëqethës kur dy anëtarë të sigurimit në një pab në Essex të Britanisë së Madhe, e nokautojnë dhe shqelmojnë një kokë një klient që nuk iu bind urdhrave të tyre.
Kamerat e sigurisë shfaqin 25-vjeçarin i cili me vetëm një grusht nokautohet – e sikur kjo të mos mjaftonte, më pas një pjesëtar tjetër i sigurimit i afrohet dhe e shqelmon në kokë duke e lënë pavetëdije në asfalt, transmeton Telegrafi.
Videoja që u shikua nga më shumë se 130.000 persona, ka nxitur reagime të ashpra të përdoruesve të rrjeteve sociale me dhunën e paparë të shfaqur nga pjesëtarët e sigurimit.
Në anën tjetër, policia britanike ka konfirmuar se janë duke hetuar pretendimet për dhunë në një pab, kurse viktima ka pësuar lëndime në fytyrë.
Deri më tani nuk është arrestuar askush për këtë incident, e policia ka theksuar se do të njoftoj opinionin me të rejat pas përfundimit të hetimeve. /Telegrafi/
