Reperi i njohur nga Tetova, S4MM, gjatë vitit të kaluar i ka dhënë fund beqarisë duke u fejuar me të dashurën e tij, Filiz Ismaili.
Ndonëse e ka ruajtur me shumë fanatizëm këtë pjesë të rëndësishme të jetës së tij, artisti lajmin e kishte konfirmuar gjatë një intervistë të dhënë për fundvit për Telegrafin.
Sidoqoftë, ai rrallëherë sjell imazhe pranë të fejuarës teksa një gjë të tillë e ka bërë edhe së fundmi.
Në fotografinë e ndarë në llogarinë zyrtare në Instagram nga S4MM, çifti shfaqen me plot stil të veshur thuajse njësoj me të zeza.
“ahmmm”, është përshkrimi që reperi ia ka vënë imazhit, i cili ka mbledhur plot 40 mijë pëlqime dhe afro 500 komente të ndryshme nga ndjekësit e tij.
Siç ka bërë ditur përmes rrjeteve sociale, e fejuara e reperit jeton dhe vepron në Belgjikë dhe S4MM atje po e kalon të shumtën e kohës.
Ndërkaq, sa i përket projekteve të reja muzikore, “Rrugt” titullohet kënga e fundit e lansuar nga ai në fillim të këtij viti që u prit shumë mirë nga publiku. /Telegrafi/
