Edicioni i dytë i Big Brother VIP Kosova 2 nisi me plot vrull, konkurrentë të profileve të ndryshme si dhe me përplot rrëfime.
Sikurse edhe herën e kaluar, edhe në këtë vazhdim kanë qenë disa banorë që kanë marrë vëmendje të madhe që nga fillimi.
Edona James, Gani Gërmia e Shqipe Hysenaj, janë në mesin e konkurrentëve që menjëherë janë kyçur nëpër debate kanë bërë shaka si dhe kanë krijuar një mendim pozitiv te publiku.
Gjatë ditës së sotme (e martë) në “Rreth e Rrotull” në Dukagjini, gazetarët Don Spahiu, Egzona Shigjeqi e Halil Halili, kanë komentuar fillimin e këtij spektakli si dhe banorët e këtij sezoni.
Sipas tyre, Edona James dhe Gani Gërmia momentalisht janë dy nga protagonistët e këtij reality shou.
Mes tjerash, u përfol edhe për ngjashmërinë e karaktereve me personazhet e vitit të kaluar si dhe për opinionistët e BBVK 2. /Telegrafi/
