Chelsea ka nënshkruar me mbrojtësin Dylan Williams nga Derby County për një shumë të pazbuluar.
Dhe mbrojtësi i majtë 18-vjeçar, nuk është i riu i parë i talentuar që largohet nga klubi i Championshipit, i cili aktualisht është në rrezik të rënies në League 1.
Vitin e kaluar, Liverpooli joshi në Anfield anësorin Kaide Gordon. Talenti, i cili mbushi 17 vjeç në tetor, ka bërë debutimin e tij në Ligën Premier dhe ka shënuar në FA Cup.
Pavarësisht humbjes së Williams dhe Gordon nga skuadra e tij, trajneri i Derby County, Wayne Rooney është i lumtur që i sheh ata t’i bashkohen dy prej klubeve më të mëdha në Evropë.
Rreth kohës kur dyshja erdhën në jetë, Rooney po dilte në skenë – më vonë duke u bërë një nga lojtarët më të mëdhenj anglezë të gjeneratës së tij.
Dhe ish-kapiteni i Anglisë e kupton nevojën për t’u bashkuar me një klub më të madh… ashtu siç bëri në vitin 2004, kur u largua nga Everton për në Manchester United.
“Është vendi ku ndjeva se nuk mund t’ia mohoja mundësinë, kështu që ky është vendimi im, jo vendimi i administratorit”, deklaroi Rooney kur u pyet për lëvizjen e Williams.
“Ishte vendimi im pasi fola me lojtarin, ndjeva se nuk mund t’i mohoja një djali të ri mundësinë për të luajtur në Ligën Premier”.
“Unë në fakt nuk e di se cila është tarifa, që është rënë dakord mes klubit tjetër dhe administratorëve”.
“Kam marrë kontrollin dhe thashë se doja të flisja me lojtarin dhe të shihja se cilat janë ndjenjat e tij, dhe kjo është një mundësi masive për lojtarin, të cilën e kuptoj”.
“Prandaj, unë isha i lumtur që ai u largua nga klubi për një aventurë të re diku tjetër”.
Williams, i cili bëri debutimin e tij profesional kundër Chorley në janar 2021, është paraqitur tetë herë në të gjitha garat këtë sezon.
https://www.youtube.com/watch?v=v-kujKei4QE
“Të gjithë në Derby County dëshirojnë t’i urojnë Dylan suksese në kapitullin e ardhshëm të karrierës së tij te Chelsea dhe në të ardhmen”, thuhet në një deklaratë në faqen e klubit.
Përveçse i ofroi Williams urimet e tij më të mira, Rooney gjithashtu ofroi fjalë inkurajimi për Gordon kur ai u bashkua me Liverpool. /Telegrafi/